СОВЕТИ

Седење и здрави вени


Седење и здрави вени

Различни фактори придонесуваат за развој на хроничната венска болест и свесностa за влијанието на нашите работни места врз нејзината прогресија е мало.

Нормалниот проток на крв во долниот дел на нозете е критичен за одржување на здрава функција на вените. Мускулите на телото имаат клучна улога во овој процес, затоа што додека се собираат и се шират, тие помагаат во туркањето на крвта назад кон срцето. Здравите венски залистоци носат крв назад во срцето.

Тие можат да ослабнат доколку имате професија што е најчесто попратена со седење, каде што не можете да се движите со часови. Штом залистоците и ѕидовите на вените ќе ослабат, може да дојде до проширување на вените. Тоа  влијае на враќањето на крвта во срцето – венската крв може да почне да се насобира, што може да предизвика воспаление на ѕидовите на вените и околните ткива.

Дали и вие поминувате многу време седејќи на работа?

Долгите периоди на седење се еден од најзанемарените фактори кои придонесуваат за развој на хронична венска болест. Ако сте навикнати да ги прекрстувате нозете додека седите или имате лошо држење на телото, ризикот за прогресија на болеста се зголемува.

Канцелариските работници, програмерите, возачите, студентите, писателите, лекторите, економистите, адвокатите и другите кои работат слични работи треба да бидат свесни за нивното држење кога седат подолго време без прекин, и треба да се погрижат да се движат, па дури и да вежбаат секој час. За време на работата, тие треба да се погрижат да чекорат и да ги истегнуваат глуждовите и колената во редовни интервали.

Доволно е 20 минути вежбање дневно

Само 20 минути вежбање дневно може да помогне да се ублажат симптомите на болеста и да се спречи прогресијата на хроничната венска болест. Редовното вежбање е корисно, затоа што мускулите на потколеницата функционираат како пумпи додека се шират и се собираат, а тоа го спречува насобирањето на крвта во вените.

Подигнати нозе

Со подигнување на нозете, можете веднаш да ја ублажите болката и да го намалите отокот. Подигнете ги нозете над срцето три или четири пати на ден по околу 15 минути. За време на подолги периоди на стоење или седење, свиткајте ги нозете на редовни интервали за да ја подобрите циркулацијата на крвта.

Генетиката е една од основните причини

Хроничната венска болест е прогресивна болест. Нејзината преваленца се зголемува со возраста. Таа е широко распространета, затоа што од неа страдаат осум од десет возрасни лица ширум светот.

Илустративни податоци за генетиката на болеста:

  • според клиничката студија спроведена од Дерматолошката хирургија, официјалното списание на Американското здружение за дерматолошка хирургија, ризикот од развој на хронична венска болест кај децата бил 90% кога и двајцата родители страдале од оваа болест;
  • кога бил погоден само еден родител, ризикот од развој на оваа болест кај мажите бил 25%, а кај жените 62%;
  • 42% од сите заболените жени имаат семејна историја на хронична венска болест.

Симптомите на хронична венска болест вклучуваат болка во нозете, чувство на тежина во нозете, оток на нозете, трпнење, чувство на печење, грчеви во мускулите, чешање на кожата, немирни и уморни нозе.

ДЕЛУВАЈТЕ ВЕДНАШ! СПРЕЧЕТЕ ЈА ПРОГРЕСИЈАТА НА ХРОНИЧНАТА ВЕНСКА БОЛЕСТ.

Правилна положба на седење

  • Седнете исправено, но опуштено. Вашата облека исто така игра улога. Лесната облека и удобните обувки се најдобриот избор.
  • Држете ги ушите, рамената и колковите во вертикална линија.
  • Обидете се да ја одржите кривата линија на ‚рбетот: навалете ја карлицата малку нанапред за да создадете типичен облик на буквата С. Поставете крпа или сличен предмет помеѓу потпирачот на столот и лумбалниот дел на ‚рбетот.
  • Никогаш не седете со прекрстени или испружени нозе.
  • Погрижете се да има растојание од 45–70 cm помеѓу очите и екранот на компјутерот.
  • Проверете дали столот и работната маса се на оптимална висина:
    • Подлактицата и надлактицата на рацете треба да бидат под прав агол,
    • вашите колена треба да бидат свиткани под прав агол,
    • вашиот зглоб на колкот треба да биде во положба од 90-110 степени,
    • вашите зглобови треба да бидат поставени на работната маса,
    • вашите стапала треба да се потпираат на подот или на потпирачот за стапала.

Флебавен е ефикасен веноактивен лек од природно потекло. Содржи микронизиран диосмин, кој се користи за лекување на хронични венски болести. Овој лек ги зајакнува и штити вените одвнатре, го подобрува венскиот тонус и ја подобрува микроциркулацијата во вените. Флебавен ја ублажува болката во нозете, го намалува чувството на тежина и оток во нозете.

Диосмин е природен флавоноиден гликозид кој може да се изолира од различни растителни извори, а исто така и од флавоноидот хесперидин. Хесперидин се добива од незрели мали портокали од видот Rutaceae aurantiea. Диосминот се синтетизира од хесперидин, потоа се прочистува и микронизира до честички со помала големина.

Флебавен се зема перорално и се користи за да се запре прогресијата на хроничната венска болест и за да се спречат компликациите кои ги придружуваат нејзините први знаци и симптоми, како што се болки во нозете, чувство на тежина и оток во нозете. Флебавен е достапен во форма на филм-обложени таблети од 500 mg и 1000 mg, кои може да се земаат еднаш дневно и се достапни по поприфатлива цена.